Өнөөдөр Украины Луханск хотод их бууны сум зорчигч тээврийн жижиг оврын автобусыг оносон харамсалтай хэрэг гарчээ. Автобусанд зорчиж явсан хоёр хүн нас барж, дөрвөн хүн шархадсан байна. Луханскын төлөөлөгчийн газрын мэдээлсэнээр шархадсан хүмүүсийг эмнэлэгт яаралтай хүргэсэн гэнэ. Украины арми, босогчдын хоорондох зэвсэгт тулаанд энгийн иргэд золиослогдох явдал газар авсаар байна. Тиймээс зэвсэгт мөргөлдөөн болж буй газраас хол явахыг оршин суугчдад сануулав. Украины ерөнхийлөгч Петро Порошенкогийн энхийн төлөвлөгөө амжилтгүй хэрэгжиж байгаа бөгөөд арми хилийн чанадаас хүнд зэвсэгт тээвэрлэж байгаа гэж Оросын Итар-Тасс агентлаг мэдээлэв.