АНУ-ын Жоржтаун хотод байрлдаг энхтайван, аюулгүй байдал, эмэгтэйчүүдийн институт, Норвегийн Ослод төвтэй Энхтайван судлалын хүрээлэн дэлхийн 153 улсад хийсэн судалгааныхаа үр дүнг нэгтгээд эмэгтэйчүүдэд хамгийн ээлтэй болон ээл багатай улс орнуудын чансааг гаргажээ. Ингэхэд Исланд улс нэгдүгээрт бичигдсэн байна. Дайн тулаантай тайван бус газарт эмэгтэйчүүд, хүүхдүүд хамгийн түрүүнд хүчирхийллийн золиос болдог тул Сири, Афганистан зэрэг улс чансааны сүүлд бичигджээ.    

Дэлхий дээр АНУ, Папуа Шинэ Гвинейн гэсэн хоёрхон улс л жирэмсэн болон шинээр төрсөн эхчүүдэд мөнгөн тэтгэлэг олгодоггүй юм байна. Амьдралын төвшин дээгүүр ч энэ байдлаасаа болоод АНУ хойш шидэгдэж, 22 дугаарт жагсчээ.