АНУ-ын Ерөнхийлөгч Дональд Трамп энэ сарын сүүлээр Швейцарын Давост болох Дэлхийн эдийн засгийн чуулганд оролцоно гэж Цагаан ордон мэдээллээ. Түүний хувьд Дэлхийн эдийн засгийн чуулганыг дэлхийн удирдагчдад зорилтоо таниулах боломж гэж харж байгаа гэдгийг Цагаан ордон онцолсон юм.

Цагаан ордны хэвлэлийн төлөөлөгч Сара Сандерс "Ерөнхийлөгч Дональд Трамп Дэлхийн эдийн засгийн чуулганд оролцохыг боломж гэж харж байгаа. Тийм учраас тэрбээр энэ арга хэмжээнд оролцохыг тэсэн ядан хүлээж байна. Түүний хувьд АНУ-ын бизнес эрхлэгч болон ажиллах хүчнийг дэмжих, бодлогын хэрэгжилтийг нэмэгдүүлэхэд бүх анхаарлаа хандуулж байгаа. Энэ нь түүнийг АНУ-д, эсвэл өөр аль нэг улсад байгаа эсэхээс үл хамаарна" гэж мэдэгдлээ.