Францын "Coty" тэргүүтэй тансаг зэрэглэлийн брэндүүдийг “Amazon”, “eBay” зэрэг цахим платформуудаар жижиглэнгээр худалдахыг Европын шүүх хориглолоо.

Брэндүүд өөрсдийн эрхээ хамгаалахын тулд гомдол гаргасныг шүүх хүлээн авч, хэргийг нааштайгаар шийдвэрлэж өгсөн байна. Тансаг брэндүүд дистрибьюторуудаа гуравдагч тал болох цахим платформуудаар дамжуулж худалдаа хийхийг хориглох эрхтэй гэж Германы шүүх үзжээ. Энэ нь тансаг брэндийн нэр хүндийг хадгалах, компанийн эрх ашгийг хамгаалах ач холбогдолтой юм. Энэ талаар “Amazon” тайлбар өгөхөөс татгалзсан байна. Европт тансаг брэндийг цахимаар худалдах нь ихсээд байгаа бөгөөд тус бүсийн брэндүүд олон улсын зах зээлийн нийт борлуулалтын 70 орчим хувийг бүрдүүлж байгаа юм.