АНУ-ын 44 дэх ерөнхийлөгчийн албыг найман жилийн турш хашсан Барак Обама улсынхаа түүхэнд хамгийн анхны хар арьстай ерөнхийлөгч хэмээх тодотголтойгоор гарч ирсэн билээ. 

Питер Соуза 2009 оны нэгдүгээр сараас эхлэн Цагаан ордонд гэрэл зурагчинаар ажилд оржээ. Тэрээр зөвхөн Ерөнхийлөгч Барак Обамаг найман жилийн турш дагаж, бүх үйл явдлын зургийг цаг алдалгүй дурандаа буулгасан байна. 

Найман жилийн турш Барак Обамагийн хоёр сая гаруй гэрэл зургийг авсан тэрээр 10-12 цагийг ерөнхийлөгчийн зургийг авахад зарцуулдаг байжээ. Энэ удаа тэрээр Ерөнхийлөгч асан Барак Обамагийн түүхэн үеийн хамгийн шилдэг зургуудийг сонгон авч олон нийтэд танилцууллаа.