Испанийн Засгийн газар Каталоны Ерөнхийлөгчийг салан тусгаарлах саналаа буцаахгүй бол түүнийг болон Каталоны Засгийн газрыг огцруулах талаар анхааруулж байна.

Мөн бүсийн цагдаагийн алба, олон нийтийн радио, телевизүүдийг хяналтдаа авч магадгүй байгаа юм. Харин Каталоны эрх баригчид Испанийн Засгийн газрын шийдвэрийг дагаж мөрдөхгүй гэдгээ мэдэгдлээ. Мөн Каталоны Ерөнхийлөгч Карлес Пуигдемон "10 дугаар сарын 1-ний санал асуулга 43 хувийн ирцтэй явагдсан. Үүнээс 90 хувь нь салан тусгаарлахыг дэмжсэн" гэж Испанийн Засгийн газарт дахин нэг санууллаа.