Японы улсын Киото хотод 9 сарын 5-нд зохион байгуулагдсан хүүхдийн гүйлтийн уралдааныг Ямайкийн ойрын зайн гүйгч Усэйн Болт үзжээ.

9.58 секундийн амжилтаар эрэгтэйчүүдийн 100 м-ийн гүйлтийн дэлхийн дээд амжилтыг эзэмшдэг тэрбээр өнгөрсөн сард Лондон хотноо болсон хөнгөн атлетикийн ДАШТ-ий дараа зодог тайлсан билээ.

У.Болт уралдаанд оролцсон хүүхдүүдэд зөвлөгөө өгч, гарын үсгээ зурж өгсөн байна. Үүний дараа тэрбээр Киото хотын гайхамшигт сүм хийдүүдийг үзэж сонирхжээ.