Аргентиний шигшээ багийн болон Испанийн "Барселона" багийн тоглогч Лионель Месси өнөөдөр хуримлаж байна. Тэрбээр Антонелла Роккуццо хэмээх бүсгүйтэй хуримлаж байгаа бөгөөд хурим өнөөдөр Аргентиний Росарио хотноо болно.

Хосууд хуриманд уригдсан 700 гаруй зочдоос бэлэг авахгүй, харин "Fundaciyn Leo Messi" санд хандив өргөхийн хүсчээ. Л.Месси 2010 оноос НҮБ-ын Хүүхдийн сангийн элчээр ажиллаж байгаа юм.

Дурлалт хосууд анх 5 настайгаасаа хойш цугтаа өсч, улмаар бие биедээ хайртай болсон гэж ярьдаг бөгөөд Мессигин хувьд анхны хайртайгаа гэр бүл болсон цөөн тамирчны нэг юм.