Каннын 70 дахь удаагийн кино наадам Франц улсын өмнөд нутгийн Канн хотноо орон нутгийн цагаар 17-ны өдөр  эхлэв. Энэ удаагийн кино наадмын нээлтийн арга хэмжээг Италийн од Моника Беллук хөтөлж, олон кино одод оролцсон ба дэлхийн оддоос бүрдсэн шүүгчдийн баг олны анхаарлыг татаж байлаа.

Өнгөрсөн зун, Канн хотын ойролцоох Нис хот террорист халдлагад өртсөн тул энэ жилийн наадмын аюулгүй байдлыг сайтар хангаж, Каннын кино наадмын ордон, улаан хивс дэвссэн талбай зэргийг тойруулан шивээс хадсан 160 метр урт ширдэг дэвсэж, ачааны том машинаар дайрахаас сэргийлэн цементээр цутгасан цэцгийн мандлууд босгон, боомтод цэргийн хөлөг онгоц байрлуулжээ. Бүртгэлээс үзвэл 140 зорчигч бүрт нэг камер оногдох хяналтын сүлжээ байгуулсан байна.

Каннын анхны кино наадам Францын Номин эрэгт 1946 онд болсон. Тэр үед хамгийн шилдэг найруулгатай киноны шагналыг дайны жилүүдэд зургийг нь авсан “217 номерын хүн” киноны найруулагч Михаил Ромм хүртэж байсан бол шилдэг өнгөний шийдэлтэй киноны шагналыг Александр Птушкогийн “Чулуун цэцэг” кино авч байжээ. Тухайн үед кино наадмын Гран-при шагналыг Фридрих Эрмлерийн Сталинградын дайчдын тухай өгүүлдэг “Их эргэлт” кино хүртэж байв.

Кино наадам хоёр удаа буюу 1948 болон 1950 онд төсвийн мөнгө хүрэлцээгүйн улмаас тасалдсан байна. 

Нээлтийн арга хэмжээний улаан хивсний ёслолд алдартнууд хэрхэн гоёсныг сонирхуулж байна.