Макаогийн Засгийн газар "мөнгө угаах" хууль бус ажиллагааг хязгаарлах зорилгоор ATM-үүдэд "нүүр царай таних систем" нэвтрүүлж эхэллээ. Энэ хүрээнд Хятадын "Unionpay" карт эзэмшигчид AMT-ээс мөнгө авахдаа иргэний үнэмлэхээ шалгуулахаас гадна нүүр царайгаа таниулах шаардлагатай болж байна. Цаашлаад энэхүү шинэ системийг Макаод байрлаж буй бүх ATM, ялангуяа Казиногийн газруудад байрлаж буй ATM-үүдэд нэвтрүүлэхээр болсныг албаныхан мэдэгджээ.