Олон нийтийн мэдээллийн “Твиттер” сүлжээ “Bloomberg Media”-тай хамтарч бүтэн өдрийн турш мэдээлэл цацах телевизийн суваг нээхээр болжээ. Уг телевиз нийгмийн сүлжээнд онлайн-телевиз хэлбэрээр ажиллана.

Телевизийн суваг ирэх намар ажиллаж эхлэх бөгөөд одоогоор ямар нэг нэр аваагүй байгаа аж. Мэдээллийн шинэ суваг дэлхийн өнцөг булан бүрт болж буй үйл явдлыг шууд цацаж, “Твиттер”-ийн хэрэглэгчдийн хянагдсан видеог дамжуулна.