Дэлхийд хамгийн өндөр үнэтэйд тооцогдож байгаа 14.54 каратын "Apollo Blue" болон 16 каратын "Artemis Pink" очир эрдэнийн шигтгээтэй ээмгийг өчигдөр Лондон хотноо танилцуулсан байна.

Энэхүү ээмгийг ирэх тавдугаар сарын 16-нд Швейцарын Женев хотод дуудлага худалдаанд оруулах юм байна.

Цэнхэр болон ягаан очир эрдэнэ шигтгэж хийсэн энэхүү ээмэг нь 50-70 сая ам.долларын үнэ хүрэхээс гадна "Apollo Blue" дангаараа 38-50 сая ам.доллар, "Artemis Pink" нь 12.5-18 сая ам.доллар хүрнэ гэж мэргэжилтнүүд таамаглаж байна. Үүнээс гадна 14.54 каратын "Apollo Blue" нь дуудлага худалдаанд орж буй хамгийн том, тансаг цэнхэр очир эрдэнэ гэдгээрээ онцлог ажээ.