“Alexander Historical Auctions” дуудлага худалгаагаар Адольф Гитлерийн цэргүүддээ тушаал өгдөг байсан Siemens брэндийн улаан өнгөтэй утас 243 мянган ам.долларын үнэд хүрчээ. Өнгөрсөн ням гаригт болсон дуудлага худалдаагаар мэргэжилтнүүд Гитлерийн утсыг 200-300 мянган ам.долларын үнэ хүрнэ хэмээн тооцоолж байжээ. Энэхүү утсыг Зөвлөлийн цэргүүд 1945 онд Берлиний хоргодох байрнаас олсон аж. Тэд утсыг Их Британийн офицер Ральф Рэйэрт дамжуулан өгсөн бөгөөд түүний гэр бүл энэхүү олдворыг 70 гаруй жил хадгалсан байна.

Дуудлага худалдааны компанийн энэхүү утсыг “Дэлхий даяар олон сая хүний амийг авсан бүх цаг үеийн хамгийн хөнөөлтэй зэвсэг” хэмээн тодорхойлжээ. Дашрамд дурдахад энэ дуудлага худалдаагаар Гитлерийн нохойны шаазан баримлыг 24.300 ам.доллараар худалдсан байна.