Бодит юм шиг мэдрэмж төрүүлдэг нүдний шил үйлдвэрлэгч “Oculus” компани шүүхийн шийдвэрээр “Zenimax” компанид 500 сая ам.доллар төлөхөөр боллоо.

“Oculus” нь Facebook-ийн сүлжээ компани юм. Шүүхийн шийдвэрийг давж заалдахаа Facebook мэдэгдээд байна.

“Oculus”-ийн үйлдвэрлэсэн Rift нүдний шил нь “Zenimax” компанийн нэлээн хэдэн жилийн өмнө гаргаж байсан бүтээгдэхүүнийг дуурайсан хэмээн шүүхэд гомдол гаргасан юм. Гомдол гаргагч технологи хулгайлсны төлбөрт хоёр тэрбум ам.доллар нэхэмжилсэн ч шүүх төлбөрийг 500 сая болгон бууруулжээ.

Facebook компани цагтаа “Oculus”-ийг хоёр тэрбум ам.доллараар худалдан авч байсан юм.

Марк Цукерберг бусдын технологийг хулгайлсан гэсэн шүүхийн шийдвэрийг хүлээн зөвшөөрөхгүй гэжээ.