Интернэт порталын Yahoo Japan компани Японд анх удаа долоо хоногийн гурван өдрийг амралтын өдөр болгохоор төлөвлөж эхэлжээ.

Ингэснээр бүтээмжээ бууруулахгүйгээр зардлаа багасгана гэж компани тооцоолсон байна. Yahoo Japan-ий төлөөлөгч Мэгуми  Ягита саяхан Блүүмберг сувагт ярихдаа “ажилтнууддаа эрх чөлөө олгосноор тэд богино хугацаанд хамгийн өндөр бүтээмжтэй ажиллах арга хэлбэрээ сонгож, энэ нь эцэстээ бүтээмжийг дээшлүүлнэ гэдэгт итгэж байна” гэжээ.

Түүнчлэн тус компани өөрийн 5,800 ажилтандаа сард таван өдөр офисоос гадуур ажиллах боломж олгож байгаа нь Японд том дэвшил болж байна. Тун удалгүй энэ аргачлалаас бусад компаниуд үлгэр дууриалал авна гэдэгт мэргэжилтнүүд итгэлжтэй байгаа аж.