Өнгөрсөн даваа гаригт Сайд нарын танхимын тэргүүн Маттео Ренци албан тушаалаасаа огцрох хүсэлтэй байгаагаа мэдэгдсэн билээ. Үүнтэй холбогдуулан тус улсын Ерөнхийлөгч Сержио Маттарелла ирэх оны төсвийг батлах хүртэл огцрох тухай асуудлаа түр хойш тавихыг түүнээс хүссэн талаар ТАСС уламжлав.  

Италийн Засгийн газар ирэх оны төсвийн тухай хуулийг аль хэдийнэ бэлэн болгож, парламентад өргөн барьсан бөгөөд энэ долоо хоногт баталж магадгүй гэж “RaiNews 24” телевиз мэдээллэсэн байна. Италийн Ерөнхийлөгч Сержио Маттарелла Төсвийн тухай хуулийг баталсны дараа Засгийн газар болон парламентыг тараах эсэхийг шийдэх улс төрийн зөвлөлдөөн хийхээр төлөвлөжээ.