АНУ-ын шинэ ерөнхийлөгчийг Хятадууд маш их сонирхож байна. Сонгуулиас өмнө ч хятадуудын хувьд Хиллари Клинтоноос илүү Дональд Трамп нэр хүндтэй байгаа нь олон зүйлээс харагдсан юм.

Тэгвэл саяхан Ханжоу хотын Сафари Цэцэрлэгт хүрээлэнгийн нэгэн шувуу Трамптай адилхан алтан шаргал үсээрээ алдаршиж, Хятадын сошиал сүлжээний од болоод байна.

Зөвхөн энэ шувууг үзэхээр цэцэрлэгт хүрээлэнд ирэгсдийн тоо нэмэгдсэн тухай орон нутгийн хэвлэлд мэдээлжээ.

Энэ цэцэрлэгт хүрээлэнд Хятад гургуул хэмээх төрөл зүйлийн энэ шувуунаас гадна 50 шувуу байдаг. Сонирхолтой алтан шар залаат гургуул энэ удаад ийнхүү од болов. Төв Хятадын уул нуруунд амьдардаг энэ гургуулын эр нь алтан залаа, тод улаан биеэрээ ялгардаг байна.