Өнөөдөр Улаанбаатарын цагаар 13:00 цагт АНУ-ын ерөнхийлөгчийн сонгууль албан ёсоор эхлэв. Хиллари Клинтон сонгуулийн санал хураалтаар Нью-Гэмпшир мужийн Диксвилл-Нотч хотод ялалт байгуулсан талаар ТАСС уламжиллаа. Уламжлал ёсоор, тус хотын оршин суугчдад орон нутгийн цагаар 08:00 цагт санал өгөх эрх нь нээгджээ. Тус хотын санал өгөх насны 8 иргэний 4 нь Хиллари Клинтонд, 2 нь Доналд Трампт, нэг нь Гарри Жонсонд, нэг нь Митт Ромниг дэмжсэн байна.

Ердөө 12 хүн амтай Диксвилл-Нотч хотын иргэд саналаа өгч, Ардчилсан намаас нэр дэвшигч Хиллари Клинтон ялсан талаар CNN агентлаг мэдээллэв. Нью-Гэмпширийг Ардчиллын "аюулгүй байдлын хана" хэмээн нэрлэдэг. Диксвилл-Нотч хотын иргэд сүүлийн дөрвөн удаагийн ерөнхийлөгчийн сонгуулийн гуравд нь ардчиллыг сонгожээ. Тодруулбал, 2000 болон 2004 онуудад энэ хотод Жорж Буш, 2008 онд Барак Обама сонгогдож байсан аж.