АНУ-ын ерөхийлөгчийн 58 дахь удаагийн сонгууль маргааш буюу 11-р сарын 8-нд болох билээ.  Анх 1788 онд Үндсэн хуулиа соёрхон батлах оноос хойш төлөөллийн ардчилсан улс байсаар ирсэн.

АНУ-ын ерөнхийлөгч нь АНУ-ын төрийн тэргүүн, Холбооны засгийн газрын ерөнхий гүйцэтгэх захирал болон Зэвсэгт хүчний ерөнхий командлагч юм.

Халаагаа өгөх ерөнхийлөгч болох Барак Хусейн Обама нь 2009 оны 1-р сарын 20-нд тангараг өргөснөөр АНУ-ын 44 дэх ерөнхийлөгч болсон ба 2012 онд дахин сонгогдсоноор 2013 оны 1-р сарын 21-нд дахин тангараг өргөж хоёр дахь бүрэн эрхийн хугацаагаа эхлүүлсэн билээ.

Харин энэ удаагийн ерөнхийлөгчийн сонгуульд Хиллари Клинтон болон Дональд Трамп нар хүчтэй мэтгэлцээн өрсөлдөөний дундаас өөрсдийн байр суурийг илэрхийлэн өдгөө сонгуулийн дүнгээ хүлээн суугаа билээ.

Хиллари Клинтоны тухайд иргэдээс хандив цуглуулан сонгуулийн ажлаа хийж байгаа юм. Улс төрчид болон Холливуудын алдарт одууд олон нийтэд Хиллари Клинтоныг дэмжиж буйгаа илэрхийлж мөн дэмжихийг уриалж байгаа ажээ.