АНУ-ын ерөнхийлөгч Барак Обама Вашингтон хотноо анхны Африк-Амеикийн түүхийн музейг байгууллаа. Тэрээр “Энэхүү музей маань 540 сая ам.долларын өртгөөр боссон бөгөөд эрх чөлөөнд хүрсэн замналыг та бүхэнд өгүүлэх юм.”хэмээн нээлтийн үеэр хэлсэн байна. Музейн барилгын зураг төслийг Их Британийн архитектур Дэвид Аджайе хийжээ. 37200м.кв талбайг хамарсан музейг барихад дөрвөн жилийн хугацааг зарцуулсан байна. Тус музейд Африкаас боол худалдан авахад хэрэглэж байсан бараа, төгөлдөр хуурч Чак Беррийн улаан кадиллак автомашин гэх мэт 36 мянган үзмэрийг байрлуулсан байна.