Твиттер 140 тэмдэгтийн хязгаартай. Энэ хязгаарт зураг, бичлэг зэрэг багтдаг. Тэгвэл энэ сарын 19-ний өдрөөс эхлэн зураг, бичлэг, GIF, санал асуулга зэргийг 140 тэмдэгтийн тоонд оруулахгүй болох юм байна.

Түүнчлэн зураг, бичлэг зэргээс гадна хэн нэгэн хэрэглэгчид хандсан жиргээнд хэрэглэгчийн нэрийг тэмдэгтийн тоонд оруулахгүй болох аж. Энэ талаарх мэдээллийг өнгөрсөн тавдугаар сард зарлаж байсан ч хэзээнээс эхлэх вэ гэдгийг тодорхой мэдээлээгүй байсан юм.