АНУ-ын Ерөнхийлөгч Барак Обама өөрийн албаны өрөөнд эргэн ирсний дараахан энэ явдал болсон байна.

Одоогийн байдлаар, Цагаан ордны нууц албаныхан тус байгууламжийн хойд хэсэгт байж болзошгүй аюулын тухай мэдээллийг судалж байгаа аж. Гэрчүүдийн өгүүлж буйгаар, Цагаан ордны ойролцоо химийн хамгаалалтын мэргэжилтнүүдийн баг болон “Түргэн тусламж”-ийн машинууд олон байгаа гэнэ.

Энэхүү үйл явдал Цагаан ордны нутаг дэвсгэр дээрээс олдсон сэжиг бүхий боодолтой зүйлтэй холбоотой бололтой. Уг боодлыг хашаа давуулж шидсэн байж болзошгүй аж.

Үүнтэй холбогдуулан нэг хүнийг баривчлаад байгаа бөгөөд одоогоор өөр дэлгэрэнгүй мэдээлэл АНУ-ын ерөнхийлөгчийн засаг захиргааны эх сурвалжид алга байна.