Чинээлэг эрхмүүдэд зориулсан хамгийн шилдэг автомашинаар “Rolls-Royce"-ийн "Dawn” загвар шалгарчээ. Чинээлэг эрхмүүдэд хөрөнгөө үр өгөөжтэй зарцуулах, зөвлөгөө өгдөг “Robb Report” судалгааны агентлаг жил бүр оны шилдэг автомашиныг шалгаруулдаг. Энэхүү шалгаруулалтад оролцохын тулд тухайн онд автомашинаа танилцуулсан эсвэл томоохон шинэчлэл хийсэн байх зэрэг шаардлага тавьдаг байна. Хэдий тийм боловч баячуудад зориулсан мэдээллийн агентлаг тул үнийг харгалзаж үздэггүй аж. “Rolls-Royce"-ийн "Dawn” загвар 340 мянган ам.долларын үнэтэй бөгөөд цагт 250 км/цаг хурдлах хүчин чадалтайгаас гадна замын нөхцөлөөс хамаарч хурдаа автоматаар тохируулах системтэй. Мөн цэвэр арьсан доторлогоо, модон хүрээгээр тохижуулжээ.