“H&M” компани дэлгүүрүүдийнхээ тоог хоёр дахин нэмэгдүүлж, гол өрсөлдөгчид болох “Inditex”, “Amazon.com”-оос ялгаатай байдлаа арилгана гэж тус компанийн Гүйцэтгэх захирал Карл Иохан Перссон мэдэгдлээ. Тэрбээр лхагва гарагт өгсөн ярилцлагадаа шинээр7000-8000 дэлгүүр нээнэ гэжээ. Ингэхдээ дэлгүүрийнхээ тоог жилд 10-15 хувиар нэмэгдүүлбэл нийт 4-8 жилийн хугацаа шаардлагатай гэж үзэж байгаа аж. “H&M”-ийн танилцуулсан тайланд дурдсанаар энэ оны I улиралд тус компанийн орлого 29 хувиар буурч, 400 сая ам.доллар болсон байна. Харин “Inditex” 7000 гаруй дэлгүүртэй бол 2010 оны байдлаар “H&M” компани 2000 дэлгүүртэй байжээ. Харин тун удахгүй Шинэ Делид 4000 дахь дэлгүүрээ нээхээр бэлтгэж байна. Түүнчлэн Ирланд, Японыг оролцуулаад 11 оронд онлайнаар борлуулалт хийх үйлчилгээг нэвтрүүлэхээр төлөвлөж байгаа аж.