Олон улсын хүний эрхийг хамгаалах байгууллага "Amnesty International"-ийн мэдээлснээр 2015 онд дэлхийн улс орнууд маш олон хүнд цаазын ял оноож, гүйцэтгэсэн гэсэн тоон судалгаа гарсан байна. Өнгөрсөн онд улс орнууд 1,6 мянган хүнийг цаазалсан нь өмнөх оноос 573-аар их буюу 50 гаруй хувиар өссөн гэсэн үг юм. Ийм их хүнийг нэг жилийн дотор цаазалсан явдал сүүлийн 25 жилд тохиогоогүй юм. Цаазлуулсан хүний тоо ийн өссөн нь Иран, Пакистан, Саудын араб зэрэг улс орнууд  нөлөө үзүүлсэн байна. Эдгээр улсад цаазын ялыг гүйцэтгэх тохиолдол 89 хувьтай байна гэж тус байгууллага дүгнэжээ.