ОХУ болон АНУ энэ сарын 26-ны 00.00 цагаас эхлэн Сирид түр гал зогсоох тухай урьдчилсан хэлэлцээнд хүрсэн талаар өмнө нь бид мэдээлж байсан.

Тэгвэл Сирийн сөрөг хүчин гал зогсоох түр дэглэмийг хоёр долоо хоног сахин мөрдөхийг зөвшөөрсөн байна.

Харин Сирийн Засгийн газрын хүчинтэй тулалдаж байгаа Сирийн чөлөөт арми гал зогсоох дэглэмд нэгдэх эсэхээ хараахан шийдээгүй байгаа аж.

Сануулахад түр гал зогсоох хэлэлцээр “Исламын улс”, "Джабхат ан-Нусру" бүлэглэл болон НҮБ-ын Аюулгүйн Зөвлөлийн шийдвэрээр террорист гэж нэрлэсэн бусад бүлэглэлүүдэд хамаарахгүй.

Эдгээр зэвсэгт бүлэглэлүүдийн эсрэг цэргийн ажиллагаа үргэлжлэн явагдана.