2016 оны Оскарын шагналд нэр дэвшигчдийг өчигдөр Лос Анжелес хотод танилцуулсан юм байна. Харин шагнал гардуулах ёслолыг энэ сарын  28-нд Оскарын наадам дээр албан ёсоор нийтэд зарлан алтан хүн гардуулах юм. 

Энэ удаад  Ди Каприод алтан хүн атгуулж магадгүй хэмээн олны зүгээс найдвар тавьж буй “The Revenant” кино хамгийн олон номинацид нэр дэвшлээ. Тухайлбал,  “Шилдэг Кино”, “Шилдэг эрэгтэй жүжигчин”, “Шилдэг найруулагч” зэрэг 12 төрөлд нэр дэвшжээ.  Өнгөрсөн сарын 25-нд АНУ даяар нээлтээ хийсэн энэхүү киноны үйл явдал 1800-гаад оны үеийг харуулах бөгөөд Леонардо “Hugh Glass”-ийн дүрийг бүтээжээ.