Сирид “Жебхат ан-нусра” бүлэглэлийн хяналтад байгаа бүс нутагт энэ оны долдугаар сард хулгайлагдсан Японы сэтгүүлч Зюмпэй Ясудагийн талаар мэдээлэл цуглуулах бүхий л боломжийг Японы Засгийн газар ашиглаж байгаа аж.

"Япон улсын хувьд иргэдийнх нь аюулгүй байдал нэн чухал үүрэгтэй. Иймээс алан хядагчдын барьцаанд байгаа Япон сэтгүүлчийн талаарх бүхий л мэдээллийг олж авахаар хичээж байна” гэж Японы Гадаад хэргийн сайд Фумио Кишида хэллээ.

Үүнээс долоо хоногийн өмнө "Хил хязгааргүй сурвалжлагчид" олон улсын байгууллагын албан ёсны хуудсанд Японы сэтгүүлч Зюмпэй Ясуда Сирийн нутаг дэвсгэрт хяналтаа тогтоогоод буй "Жебхат ан-нусра" бүлэглэлийн барьцаанд байгаа гэсэн мэдээлэл гарсан юм.

Хэв даврагчид мөнгө нэхсэн бөгөөд хэрэв тэдний шаардлагыг биелүүлээгүй тохиолдолд сэтгүүлчийг ална эсвэл өөр нэгэн алан хядах бүлэглэл руу худалдаална хэмээн сүрдүүлжээ.