АНУ-ын Ерөнхийлөгч Барак Обама “Асадыг дэмжихэд Москва өмнө нь анхаарлаа хандуулж байсан бол, Египетийн Синайн хойгт болсон Оросын зорчигч тээврийн “A321” нисэх онгоцны ослоос үүдэн хандлагаа өөрчлөх биз” гэжээ.

ОХУ-ын ерөнхий сайд Дмитрий Медведев Сирийн асуудалд Оросын гүйцэтгэх үүрэгт өгсөн Барак Обамагийн үнэлгээнд тайлбар өгчээ. Тэрээр “Терроризмтой тэмцэхийн оронд Сирийн Ерөнхийлөгч Башар Асадыг огцруулахыг дэмжсэн АНУ-ын хариуцлагагүй бодлого “Лалын улс”-ын хүчирхэгжсэнд тодорхой хэмжээгээр буруутай. Терроризмтой тэмцэх хамтын хүчин чармайлтад төвлөрөхийн оронд Сирийн хууль ёсоор сонгогдсон Ерөнхийлөгч Башар Асадтай тэмцэхийг АНУ болон холбоотнууд нь шийдсэн” гэжээ.

Мөн тэрээр “Аль-Каида” босогчдын бүлэглэл хүчээ авахад АНУ хувь нэмэр оруулж, тэр нь тус улсад 2001 оны 9 дүгээр сарын 11-нд террорист халдлага болоход хүргэсэн. Холбоотнуудыг “тэд, бид” гэж хуваах биш, хамтарсан хичээл зүтгэлээр терроризмтой тэмцэх хэрэгтэй гэдгийг энэ хэрэг явдлууд харуулж байна гэж нэмж хэлсэн байна.