ОХУ Сирид үйл ажиллагаагаа өргөжүүлж эхэлжээ. ОХУ Сирийн газар нутагт алсын удирдлагатай онгоц оруулсан бөгөөд уг төхөөрөмж нь Сири улсын нутаг дэвсгэрийг тандаж байж болзошгүй хэмээн АНУ-ын төлөөлөгчид CNN-д мэдээлжээ. Албаны хүмүүс эдгээр онгоцнуудыг зэвсэг тээвэрлэж байгаа үгүйг болон өнөөг хүртэл хэдэн онгоц ниссэнийг нь тогтоох боломжгүй байгаа тухай Reuters агентлаг мэдэгдсэн байна. 

Оросын зэвсэг техник, цэргийн хүч Сирид орж ирсний дараа ийнхүү дрон нэвтрүүлж эхэллээ. Одоогийн байдлаар Сирийн газар нутагт ОХУ-ын 25 сөнөөгч онгоц, 15 нисдэг тэрэг, гурван тийрэлтэт онгоц болон багаар бодоход 500 орчим цэрэг байгаа тухай АНУ-ын албан ёсны төлөөлөгч CNN-д мэдээлжээ.

Энэ уулзалтаас хойш хоёр тал байдлыг анхааралтай ажиглаж байгаа боловч ахин хоорондоо холбоо бариагүй байна.Сирийн ерөнхийлөгчийг суудлаас нь зайлуулснаар иргэний дайныг зогсооно гэж үзэж байгаа Америкчууд, Оросын талын Ассадыг дэмжих бодлогыг эсэргүүцэж байгаа юм

АНУ-ын цэргийн яамны төлөөлөгч Жефф Давис “Ассадад дэмжлэг үзүүлэх, ялангуяа цэргийн тусламж үзүүлэх нь угаас муу байгаа нөхцөл байдлыг улам дордуулна гэдэгт бид итгэлтэй байгаа” хэмээн Даваа гарагт сэтгүүлчдэд мэдэгджээ.