Дэлхийн томоохон нийгмийн сүлжээ болох “Facebook”-ийг үндэслэгч Марк Цукерберг Америкийн “Vanity Fair” сэтгүүлийн 2015 оны шинэ элитүүд гэж нэрлэдэг манай гарагийн хамгийн нөлөө бүхий хүмүүсийн жагсаалтыг тэргүүлжээ. 

“Энд огтхон ч гайхах зүйл байхгүй. “Facebook”-ийг үндэслэгч, тэрбумтан өөрийнх нь нийтлэлийг гаргасан дэлхийн томоохон хэд хэдэн хэвлэлтэй гэрээ байгуулж чадсан. Үүнээс гадна, Цукерберг манай гарагийн бараг бүх хүнийг цахим ертөнцөд нэгтгэх асар том төлөвлөгөөтэй” гэж “Vanity Fair” сэтгүүлд бичжээ. 

“Vanity Fair” сэтгүүл “шинэ элитүүд” жагсаалтаа жил бүр гаргадаг байна. Уг жагсаалтад нөлөө бүхий бизнес эрхлэгчид болон медиа салбарын төлөөлөгчдийг оруулдаг ажээ.