АНУ-ын Лас-Вегас хотын олон улсын нисэх онгоцны буудлаас хөөрөх гэж байсан онгоцонд гал гарсан байна. “British Airways” компанийн Английн Лондон хот  хүрэх нислэгт нийт 172 хүн байсан аж.  Боинг 777-200 онгоцонд гарсан галын улмаас хоёр хүн хөнгөн гэмтэл авчээ.

АНУ-ын холбооны нисэхийн удирдах газраас мэдээлснээр онгоц хөөрөхийн өмнө зүүн хөдөлгүүрт нь гал авалцсан байна. Хөдөлгүүрт гал гарсны дараа онгоцонд утаа дүүрчээ. АНУ-ын гал сөнөөгчид галыг унтраахын өмнө зорчигчдыг онгоцноос яаралтай гаргах арга хэмжээ авсан байна.