Жан-Жак Анногийн бүтээл “Чонон сүлд” есдүгээр сарын 11-нээс эхлэн АНУ-ын кинотеатруудад гарахаар боллоо. Тус кино хоёрдугаар сарын 19-нд нээлтээ хийснээс хойш 110.5 сая долларын орлого олж, Хятадын хамгийн өндөр орлоготой арван киноны нэг болсон юм. Мөн уг киног хятадууд энэ оны Оскарын “Гадаад хэл дээрх шилдэг кино” төрөлд нэр дэвшүүлж магадгүй байна. Оскарт нэр дэвшүүлэх киног Хятадын Киноны товчооноос шийдэж, аравдугаар сарын 1-нд албан ёсоор зарладаг аж.