Энэтхэгийн далайд орших Францын Реюньон арлын далайн эргээс онгоцны  далавчны хэсэг өнгөрсөн онд сураггүй болсон Малайзын онгоцны нэг хэсэг болох нь тогтоогдсон гэж тус улсын Ерөнхий сайд Нажиб Разак мэдэгдлээ.

Тэрбээр энэ талаар “МН370 онгоц сүйрсэн гэдгийг нотлох эд мөрийн баримт олдсоныг дуулгахад харамсалтай байна. Тус онгоцонд зорчиж явсан 239 зорчигч болон тэдгээрийн гэр бүлийнхэнд гүн эмгэнэл илэрхийлье” гэсэн юм.

Өнгөрсөн оны гуравдугаар сарын 8-нд 239 зорчигч тээвэрлэн Куала-Лумпураас Бээжингийн чиглэлд нисэж яваад ор сураггүй алга болсон Малайзын иргэний агаарын тээврийн “Malaysia Airlines” компанийн “MH370” нислэгийн дугаартай Боинг 777-200ER онгоцны сураг жилийн дараа ийнхүү гарч байна.