2015 оны 6 дугаар сарын байдлаар БНСУ-д Монгол улсын 27893 иргэн (эр-14,776, эм-13117) оршин сууж байгаагаас хөдөлмөрийн гэрээний E9 визний ангилалтай 7684 иргэн, их дээд сургууль, хэлний бэлтгэлд суралцагч 3764 оюутан, 2952 хүүхэд, солонгос иргэнтэй гэр бүл болсон 2644 иргэн байгаа аж  .

Тус улсад албан ёсны аж ахуй эрхлэх зөвшөөрөл бүхий 50 иргэн (D8, D9) бизнесийн үйл ажиллагаа явуулж буй бөгөөд 2015 онд Солонгос улсын иргэншил хүссэн Монгол улсын 85 иргэн байна. Өмнөх оны энэ үетэй харьцуулахад БНСУ-д оршин суугаа нийт монгол иргэдийн тоо 11.2 хувиар өссөн үзүүлэлттэй байгаа аж.