100 Карат жинтэй алмааз эрдэнийг Нью Йоркийн дуудлага худалдааны Sothebys танхим 22,1 сая доллараар худалдлаа гэж энэ танхимын албан ёсны сайтад мэдээлжээ. Дуудлага худалдааг зохион байгуулагчид энэ алмазыг 19-25 сая долларт хүрнэ гэж худалдааг эхлүүлсэн юм байна. Өмнөд  Африкаас олборлосон ус шиг тунгалаг ямар ч өө сэвгүй энэхүү алмазыг өмнө нь Лондон Лос Анжелос Доха Гонконг зэрэг томоохон хотуудад үзэсгэлэнд тавьж байжээ. Алмааз худалдан авсан хүний тухай мэдээллийг худалдааны танхим нууцалж байна.