Монгол Улс, Бүгд Найрамдах Камерун Улсын хооронд дипломат харилцаа тогтоох тухай хоёр талын хамтарсан мэдэгдэлд Монгол Улсаас НҮБ-ын дэргэд суугаа Байнгын төлөөлөгч, Элчин сайд О.Оч, Бүгд Найрамдах Камерун Улсаас НҮБ-ын дэргэд суугаа Байнгын төлөөлөгч, Элчин сайд Мишел Томмо Монте нар 2015 оны 4 дүгээр сарын 2-ны өдөр Нью-Йорк хотноо гарын үсэг зурав.

Манай улс НҮБ-ын гишүүн бүх улстай дипломат харилцаа тогтоох зорилго тавин ажиллаж байгаа бөгөөд хоёр улсын хооронд дипломат харилцаа тогтоосноор хоёр талын болон олон улсын байгууллагуудын хүрээнд харилцан дэмжлэг үзүүлэх, хамтран ажиллах илүү өргөн боломж нээгдэж байгаа юм.

Эх сурвалж: www.mfa.gov.mn