Уэльсийн хунтайж Гаррийн болзоот бүсгүй Меган Меркл “Vanity Fair” сэтгүүлд анх удаа дэлгэрэнгүй ярилцлага өгчээ. “Би аз жаргалтай байна. Гарритай нууцаар уулзаад зургаан сар болсны дараа хэвлэлийнхэн бидний харилцааг анзаарсан. Гарри найз залуугийн хувиар намайг үргэлж дэмждэг” хэмээн Меган ярьжээ. Кенсингтоны ордны вэбсайтад “Хунтайж Гаррийн найз бүсгүй Меган Меркл хэвлэл мэдээллийнхний бай болж байна” хэмээн тэдний харилцааг 2016 оны аравдугаар сард баталсан билээ. Меган Меркл 36 настай бөгөөд Канадын Торонто хотод амьдардаг юм байна. Түүний аав Герман, Ирланд гаралтай бол ээж нь афро Америк гаралтай. Меган хунтайжтай болзох болсноор хүмүүнлэгийн үйлст идэвхитэй оролцож эхэлсэн. Тэрбээр 2016 онд Дэлхийн зөн байгууллагийн Канад дахь төлөөлөгч болжээ.

Эх сурвалж: МОНГОЛЫН ҮНЭН