Балбын уулчдын холбооныхны мэдээлснээр дэлхийн ноён оргил сүүлийн жилүүдэд “жорлон” болоод буй бөгөөд үүнээс үүдэн элдэв халдварт өвчих тархах эрсдэлтэй гэнэ. Эверест ийнхүү эрчимтэй бохирдож байгаа нь олон улсын жуулчидтай холбоотой. Тус холбооны тэргүүн Анг Тшеринг “Балбын Засгийн газар жуулчдад санамж хүргүүлж, ноён оргилын орчим аялахдаа ялгадсаа зориулалтын саванд битүүмжлэн, зохих газарт нь устгаж байхыг сануулдаг ч үр дүнд хүрэхгүй байна. Мэргэжлийн уулчид нүх ухаад энэ асуудлаа шийддэг. Харин жирийн жуулчид дуртай газартаа бие засаж, Эверестийг бохирдуулсаар байгаа нь сэтгэл түгшээх хэмжээнд хүрсэн” гэжээ.