Фэйсбүүк компани Энэтхэгийн зургаан мужид интернэтийн үндсэн үйлчилгээнүүдийг үнэгүй түгээх "internet.org" төслөө хэрэгжүүлэхээр болжээ. Харин фэйсбүүкийн тэргүүн Марк Цукерберг "Бид энэхүү төслөө Энэтхэгийн зургаан мужид эхлүүлж, иргэдэд нь эрүүл мэнд, боловсрол, харилцааны, ажил эрэлхийлэх зэрэг зорилгоор ашигладаг интернэт дэх үйлчилгээг үнэгүй хүргэхээр боллоо. Одоо Энэтхэгт тэрбум гаруй хүн интернэтэд орох боломжгүй амьдардаг. Тэгвэл одоо боломжтой болно" гэж хэлжээ. 

Мөн уг төслийг өнгөрсөн онд нийт 150 сая хүн ам бүхий Ази, Африк, Латин Америкийн оронд эхлүүлж, интернэт хэрэглэх боломжгүй байсан зургаан сая гаруй хүнд ийм боломж олгосон аж.