ДЭМБ-гаас өнгөрсөн баасан гаригт Эбола вирусийн халдварын талаар ээлжит мэдэгдлээ хийжээ. Өвчний голомтын төв болох Баруун Африкт өвчний халдвараар 9000 хүн амиа алдаад байна. Одоогийн байдлаар эбола вирусийн 22525 тохиолдол бүртгэгджээ. Хамгийн сүүлийн мэдээгээр Либери улсад 3746 хүн нас барж, 8745 нь халдвар аваад буй. Харин Сьерра-Леона улсад 3301 хүн амиа алдаж, 10795 хүн халдвар авсан нь бусад оронтой харьцуулахад хамгийн их аж. Баруун Африкт эболагаар долоо хоногт 25 хүн нас барж байгаа бол шинээр 38 хүн халдвар авч байна гэсэн судалгаа байгаа юм байна.