Дэлхий нийтийг цочирдуулаад буй Эбола вирусын эсрэг туршилтын вакцины эхний хэсгийг Либери рүү илгээсэн талаараа ВВС мэдээллээ. Энэ нь вирусийн голомт руу илгээж буй анхны томоохон хэмжээний урьдчилсан сэргийлэх тусламж бөгөөд Их Британийн эмийн үйлдвэрлэлийн GlaxoSmithKline болон АНУ-ын Үндэсний эрүүл мэндийн хүрээлэнгийн хамтарсан бүтээгдэхүүн юм байна. Тус вакцины туршилтдаа нийт 30 мянган сайн дурынхныг хамруулахаар төлөвлөжээ.