ОХУ-ын Ерөнхийлөгч Владимр Путин Засгийн газрын хуралдааны үеэр сансрын томоохон корпорац байгуулах саналыг дэмжсэн талаар “Итар тасс” мэдээлжээ. Өөрөөр хэлбэл, “Росскосмосс”сансрын агентлагийг Пуужин, Сансарын корпорацтай нэгтгэх нь арилжааны пуужингийн үйлдвэрлэлд дэвшил гаргаж, сансар судлалын салбар дахь Оросын амбийцыг тодруулсан зөв шийдвэр болно гэж үзсэн байна. ОХУ-ын Ерөнхий сайд Дмитрий Медведев өөрийн гаргасан энэхүү санаачилгыг 2007 онд байгуулсан “Росатом” корпорацыг  амжилттай жишиж, тус корпорац Оросын цөмийн технологийн томоохон экспортлогч болсныг онцолжээ.