Малайзийн зүүн хэсэгт болсон байгалийн гамшгийн улмаас 3200-гаад хүнийг аюулгүй газарт нүүлгэн шилжүүлээд байна. Тус улсын Саравак мужид дунд сургуулиудыг түр хугацаагаар хааж, автомашины хөдөлгөөнийг хязгааралжээ. Цаг агаарын урьдчилсан таамгаар ойрын хугацаанд бороо ихэсч үер болох төлөвтэй байгаа гэнэ. Өнгөрсөн жилийн арванхоёрдугаар сард  Малайзийн 50 жилийн түүхэнд хамгийн хүчтэй байгалийн гамшиг болсон билээ. Уг гамшигт арваад хүн амиа алдаж, 250 мянган хүн гэр орноосоо дүрэвсэн аж.