Индонезийн Сурабаягаас Сингапурыг чиглэн нислэг үйлдэж яваад Ява тэнгист сүйрсэн  “AirAsia” компанийн “QZ 8501” нислэгийн дугаартай онгоцны ослын шалтгааныг мөрдөн шалгаж, эцсийн дүнг багаар бодоход нэг жилийн дараа гаргана гэж Индонезийн албаны хүн мэдэгджээ. Индонезийн тээврийн аюулгүй байдлын хорооны дарга Татанг Курниади хэвлэлийнхэнд хандан мэдэгдэл хийх үеэрээ  “Ослын шалтгааныг тодруулах мөрдөн шалгалтын бүх дүнг агуулсан эцсийн тайлан нэг жилийн дараа гарна” хэмээжээ. Гэхдээ урьдчилсан дүнг сарын дотор гаргах юм байна. “AirAsia” компанийн “QZ8501” нислэг өнгөрсөн арванхоёрдугаар сарын 28-нд Ява тэнгист унаж сүйрсэн билээ.