АНУ-ын Кентакки мужид жижиг оврын онгоц осолдож, 7 настай Сэйлор Гутзлер охин ганцаараа амьд үлджээ. Гэвч охины эцэг эх, эгч, үеэл нь нас барсан байна. Холбооны иргэний нисэхийн газар “Piper PA-34” загварын онгоцны нисгэгч хөдөлгүүрт нь асуудал гарлаа гэж мэдээлсний дараахан холбоо тасарсан гэжээ. 
Бяцхан охин ослоос амьд үлдсэн төдийгүй шөнийн харанхуйд шигүү ойгоор ганцаараа бараг 1.6 километр газар алхаж байж хот суурин газрыг олжээ. Одоогоор охин эмнэлэгт хэвтэн эмчлүүлж байгаа юм байна. Сэйлор онгоц унах үед шигүү ой модон дунд шидэгдсэн учраас амьд үлдсэн ажээ. Охин гэр бүлийнхнээ нас барсан гэдэгт итгэхгүй, зүгээр л унтаж байгаа гэж боддог хэмээн цагдаагийн газраас мэдээлэв.