ОХУ-ын хууль тогтоогчид шар айраг болон дарсны сурталчилгааг телевизээр дахин цацаж эхлэх санаачилга гаргажээ. Гэхдээ энэхүү санаачилга зөвхөн дотоодын бүтээгдэхүүнд хамаарах аж. ОХУ-ын парламентын доод танхим 2012 онд архидан согтуурахтай тэмцэх хуулиар телевиз болон радиогоор энэ төрлийн бүтээгдэхүүний сурталчилгааг явуулахыг хориглосон юм. Харин өчигдөр уг хуульд  өөрчлөлт  оруулж дотоодын дарс, шар айраг зэрэг бүтээгдэхүүний сурталчилгааг  телевиз, радио зэрэг олон нийтийн мэдээллийн хэрэгслээр цацах эрхийг нээж өгөхөөр хэлэлцэж эхэлсэн нь энэ. Хэрэв тус танхим дэмжиж, Ерөнхийлөгч шинэ хуулийн төсөлд гарын үсэг зурвал ирэх оны нэгдүгээр сарын 1-нээс хууль хэрэгжиж эхлэх юм.