Испанийн гүнж Кристинаг түүний нөхрийн бизнесийн хэлэлцээр хамааралтай луйврын хэрэгт буруутган шалгаж, шүүхэд дууджээ. Энэ нь тус улсын Эзэн хааны гэр бүлээс хэрэгт холбогдон шалгагдаж байгаа анхны тохиолдол аж. Палма Маллоркагийн Шүүх байгууллага эзэн хааны эгчийг өөрийн нөхөр, Олимпийн аварга асан Исаки Урдангаринтай холбоотой урт хугацааны авилгын хэрэгт хамаарагдах татварын хоёр хэрэгт буруутгаж байгаа юм байна. Тэрээр өөрийн нөхрөөр спортын хандивын ажил хийлгэх үйл ажиллагаанд нөлөө үзүүлснээр ийнхүү буруутгагдаж байгаа гэж эх сурвалжууд дамжуулжээ. Тэднийг хандивын үйл ажиллагаанд зориулагдсан 5.6 сая еврог огт хэрэгцээгүй зүйлст зарцуулах нэрийдлээр хувьдаа завшсан гэж шүүх байгууллагаас үзэж байгаа аж. Харин гүнж болон түүний нөхөр энэхүү хэргийг хүлээн зөвшөөрөхөөс татгалзаж буйгаа мэдэгдсэн байна.