Жил бүрийн эцсээр дэлхий дахинаа нэр хүндтэй хэвлэл мэдээллийн хэрэгслүүд оны онцлох үйл явдал, онцлох хүмүүсийг нэрлэдэг уламжлалтай. Тэдгээрийн дотроос хамгийн нэр хүндтэй нь яах аргагүй “Time” сэтгүүлээс жил бүр шалгаруулдаг “Оны хүн” юм. Америкийн нөлөө бүхий Time сэтгүүл жил бүр “Оны хүн”-ийг тодруулан сэтгүүлийнхээ нүүрэнд зургийг нь байршуулдаг уламжлалтай. “Оны хүн” болох магадлалтай найман нэр дэвшигчийг зарлав. Эдгээр нь ОХУ-ын Ерөнхийлөгч Владимир Путин. Сэтгүүлийн албаны хүмүүсийн мэдээлж буйгаар Сочигийн олимп, Крым ОХУ-ын бүрэлдэхүүнд нэгдэн орсон, Украины хямрал зэрэг энэ жил болсон үйл явдлуудтай холбогдон Путин "Оны хүн"-ээр шалгарах магадлалтай хүмүүсийн дунд байгаа гэнэ. Үүнээс гадна Иракийн Курдистаны удирдагч Масуд Барзани, Алибаба группын үүсгэн байгуулагч Жек Ма, Apple-ийн гүйцэтгэх захирал Тим Күк, АНУ-ын Үндэсний хөлбөмбөгийн лигийн комиссар Рожер Гудилл, Америкийн жүжигчин, дуучин Тейлор Свифт нар тус тус багтжээ. Эдгээр хүмүүсээс гадна "Оны хүн"-ээр АНУ-ын Фергюсонд өнгөт арьстныг алсан цагдаагийн хэргийг хэрэгсэхгүй болсон шүүхийн шийдвэрийн эсрэг болон эбола өвчнөөр шаналж буй хүмүүст тусламж, анхаарал халамж үзүүлж буй эмчээс нэг нь тодорч магадгүй гэнэ.

“Оны хүн”-ийг энэ сарын 10-нд буюу маргааш танилцуулах юм.

Өнгөрсөн жилүүдийн оны онцлох хүмүүсээс дурдвал: