Хурдан хоолны сүлжээгээр MC Donalds-ийн дараа ордог Burger King Герман дахь 89 салбараа хаажээ. Эрүүл ахуйн хэм хэмжээг удаа дараа зөрчсөн нь ийнхүү хаагдах шалтгаан нь болсон байна. Германд Burger King-ийн 700 орчим салбар байдаг ажээ. Хаагдсан салбарууд нь бүгд Yi-Ko компанид франчайзингийн гэрээгээр харъяалагдаж байсан бөгөөд Burger King тус компанитай гэрээгээ цуцлах шийдвэр гаргажээ. Хаагдсан салбаруудад нийтдээ 3000 гаруй хүн ажиллаж байжээ. Burger King нь хачиртай талх худалдаагаар дэлхийд хоёрт ордог, дэлхийн 86 оронд 13 мянган ресторантай юм байна.